Էրդողանը վերընտրվել է իշխող «Արդարություն և զարգացում» կուսակցության ղեկավարի պաշտոնում

Թուրքիայի նախագահ Ռեջեփ Թայիփ Էրդողանը շաբաթ օրը միաձայն վերընտրվել է իշխող «Արդարություն և զարգացում» կուսակցության (ԱԶԿ) առաջնորդի պաշտոնում, հայտնում է Anadolu-ն։

Կուսակցության բարձրաստիճան պաշտոնյաների կողմից առաջադրվելուց հետո Էրդողանը Անկարայում կայացած կուսակցության 4-րդ արտահերթ համագումարում 1399 ձայնով վերընտրվել է նախագահի պաշտոնում։

Էրդողանը շնորհակալություն է հայտնել կուսակցության բոլոր պատվիրակներին համագումարին մասնակցելու համար՝ հավելելով. «Մենք մեր համագումարն ավարտեցինք հաջողությամբ և ինչպես վայել էր մեր կուսակցությանը»։