Ադրբեջանի և ՌԴ-ի փոխվարչապետները քննարկել են Հյուսիս-Հարավ տրանսպորտային միջանցքի նախագծի իրականացումը

Ադրբեջանի փոխվարչապետ Շահին Մուստաֆաևը հանդիպել է ՌԴ կառավարության առաջին փոխվարչապետ Անդրեյ Բելոուսովի հետ:

Նախարարների կաբինետից APA-ին հայտնել են, որ հոկտեմբերի 9-ին Մուստաֆաևը հանդիպել է աշխատանքային այցով Ադրբեջանում գտնվող Ռուսաստանի Դաշնության առաջին փոխվարչապետ Անդրեյ Բելոուսովի հետ։

Հանդիպմանը քննարկվել են տրանսպորտի և լոգիստիկայի ոլորտում համագործակցության հեռանկարները, այդ թվում՝ Հյուսիս-Հարավ տրանսպորտային միջանցքի նախագծի իրականացումը և նավաշինության ոլորտում համագործակցության հարցեր։