Պենտագոնի ղեկավարն Իսրայել է ժամանել

Պաշտպանության նախարար Լլոյդ Օսթինը ժամանել է Իսրայել։ Այցի շրջանակներում նա հանդիպումներ կունենա վարչապետ Բենիամին Նեթանյահուի, պաշտպանության նախարար Յոավ Գալանտի և Իսրայելի այլ պաշտոնյաների հետ։

Օսթինի այցը տեղի է ունենում այն բանից հետո, երբ հինգշաբթի օրը պետքարտուղար Էնթոնի Բլինկենը մեկնել էր Իսրայել: Նա նույնպես հանդիպել է Նեթանյահուի և Իսրայելի պաշտոնյաների հետ։

Պենտագոնը վերջին օրերին Իսրայելին աջակցելու համար մի շարք քայլեր է ձեռնարկել՝ տեղակայելով ավիակիր հարվածային խումբ՝ Արևելյան Միջերկրական ծովում և լրացուցիչ կործանիչների էսկադրիլիա՝ Մերձավոր Արևելքում: Պաշտպանության նախարարությունը Թել Ավիվ է ուղարկում նաև ռազմամթերք և «Երկաթե գմբեթ» հակաօդային պաշտպանության կալանիչներ։

Բացի այդ, պաշտպանության պաշտոնյաներն աշխատում են իսրայելական խնդրանքների վրա՝ փոխանցելու փոքր տրամաչափի ճշգրիտ ռումբեր և համատեղ ուղղակի հարձակման զինամթերք, որոնք չկառավարվող ռումբերը վերածում են ճշգրիտ կառավարվող զինամթերքի, ասել է պաշտպանության բարձրաստիճան պաշտոնյան: