«Հեզբոլահը» հայտարարել է, որ գրոհել է Իսրայելի սահմանային անցակետերը՝ ի պատասխան Լիբանանի հրթիռակոծման

«Հեզբոլահ» շարժումն ուրբաթ օրը հանդես է եկել հայտարարությամբ, որում նշել է, որ շարժման մարտիկները գրոհել են իսրայելական Ալ-Աբադ, Միսգավ-Ամ, Ռամյա և Ջալ Ալ-Ալամ սահմանային կետերը՝ օգտագործելով համապատասխան զինատեսակներ, հայտնում է Al-Manar-ը։

Հայտարարության մեջ նշվում է, որ համակարգված գրոհը հանգեցրել է իսրայելական ուժերի զգալի զոհերի։

Հստակեցվում է նաև, որ հարձակումը ձեռնարկվել է ի պատասխան Լիբանանի մի շարք քաղաքների մատույցներին իսրայելական հրետակոծությունների։