«Էդգարը շատ խելացի է». Դավիթ Մելիք-Հուսեյնովը խոսել է Սևիկյանի՝ Հայաստանի հավաքականում նորամուտի մասին

«Պարի Նիժնի Նովգորոդ» ռուսական ակումբի գլխավոր տնօրեն Դավիթ Մելիք-Հուսեյնովը Sport Express-ի հետ զրույցում խոսել է Հայաստանի ազգային հավաքականի կազմում Եվրո-2024-ի ընտրական փուլի շրջանակներում Լատվիայի հետ խաղում (0:2) հայ ֆուտբոլիստ, «Պարի Նիժնի Նովգորոդ» ռուսական ակումբի կիսապաշտպան Էդգար Սևիկյանի նորամուտի մասին :

«Անպայման կշնորհավորեմ Էդգարին, դեռ ժամանակ չեմ ունեցել։ Լավ եմ գնահատում նրա դեբյուտը։ Էդգարը շատ խելացի է: Մենք անհամբեր սպասում ենք ակումբ վերադառնալուն։ Արդեն սկսել են կարոտել նրան»,- ասել է Մելիք-Հուսեյնովը։

Օգոստոսի վերջին 22-ամյա կիսապաշտպանը հրաժարվել էր Ռուսաստանի հավաքականի հրավերից։