BBC-ն իսրայելական ոստիկանությանը մեղադրում է իր լրագրողների վրա հարձակվելու մեջ

BBC-ն ուրբաթ օրը հաղորդել է, որ իր լրագրողների խումբը, որը լուսաբանում էր Իսրայելի պատերազմը ՀԱՄԱՍ-ի հետ, զենքի սպառնալիքով ձերբակալվել է և հարձակման ենթարկվել իսրայելական ոստիկանության կողմից Թել Ավիվում:

Անհանգստացնող միջադեպը, որը, հեռուստաալիքի տվյալներով, արձանագրվել է հինգշաբթի երեկոյան, տեղի է ունեցել այն ժամանակ, երբ երեք լրագրողների թիմը մեկնում էր հյուրանոց՝ մեքենայով, որը «հստակ նշված էր որպես լրատվամիջոց», հաղորդում է բրիտանական լրատվական ցանցը:

BBC-ն հայտնել է, որ կանգառի ժամանակ թիմը դուրս է բերվել մեքենայից, խուզարկվել և գամվել պատին։ Լրագրողներից մեկը պատմել է, որ երբ փորձել է տեսագրել դեպքը, սպան գետնին է գցել իր հեռախոսը։

«Լրագրողները պետք է կարողանան ազատորեն լուսաբանել Իսրայելի և Գազայի միջև հակամարտությունը», - ասվում է BBC-ի ներկայացուցչի՝ CNN-ին տրամադրված հայտարարության մեջ:

Իսրայելի ոստիկանությունը դեռևս չի մեկնաբանել այս միջադեպը։