Օլաֆ Շոլցը պատրաստվում է մեկնել Իսրայել

Գերմանիայի կանցլեր Օլաֆ Շոլցը երեքշաբթի կայցելի Իսրայել, տեղեկացրել է NTV հեռուստաընկերությունը՝ հղում կատարելով կառավարությունում ունեցած աղբյուրներին։

Գերմանիայի արտաքին գործերի նախարար Աննալենա Բերբոքը Իսրայելում էր անցած շաբաթ, որտեղ Բեռլինի աջակցությունն է հայտնել իսրայելցիներին հոկտեմբերի 7-ին ՀԱՄԱՍ-ի հարձակման առնչությամբ։

Այնուհետեւ Բերբոքը մեկնել է Եգիպտոս, քանի որ արեւմտյան երկրները փորձում են կանխել էսկալցիան տարածաշրջանում։

Իսրայելը ՀԱՄԱՍ-ի գրոհին պատասխանել է ավիահարվածներով, որոնց հետեւանքով զոհվել են Գազայի հազարավոր խաղաղ բնակիչներ, եւ կոչ է արել զանգվածաբար հեռանալ Գազայի հյուսիսային հատվածից՝ նախատեսված ցամաքային հարձակումից առաջ։