ԱՄՆ Կոնգրեսը հայտարարել է Իսրայելում և Պաղեստինում անհապաղ դեէսկալացիայի կոչ անող բանաձեւի մասին
ՄԻՋԱԶԳԱՅԻՆ
ԱՄՆ 13 կոնգրեսականները հայտարարել են բանաձևի ընդունման մասին, որով Բայդենի վարչակազմին կոչ են անում Իսրայելում և օկուպացված Պաղեստինում անհապաղ դեէսկալացիայի և հրադադարի հաստատման, Գազայի հատված մարդասիրական օգնություն ուղարկման և հնարավորինս շատ կյանքերի փրկման անհապաղ կոչ անել, գրում է Haaretz-ը։
Բանաձևը, որը վերնագրված է «Բանաձև՝ հիմա կրակի դադարեցման մասին», ներկայացրել են օրենսդիրներ Քորի Բուշը, Ռաշիդա Թլայբը (Կոնգրեսում միակ պաղեստինա-ամերիկացին), Անդրե Կարսոնը (երեք մահմեդական օրենսդիրներից մեկը), Սամեր Լին և Դելիա Ռամիրեսը:
Բանաձևին աջակցել են նաև կոնգրեսականներ Ջամաալ Բոումանը, Բոնի Ուոթսոն Քոուլմանը, Խեսուս Չույ Գարսիան, Ջոնաթան Ջեքսոնը, Ալեքսանդրիա Օկասիո-Կորտեսը, Իլհան Օմարը, Այաննա Փրեսլին և Նիդյա Վելասկեսը։
«Մեզ անհրաժեշտ է օրենք, որը կփրկի հնարավորինս շատ կյանքեր՝ անկախ կրոնական և էթնիկ պատկանելությունից: Ես հպարտորեն միանում եմ իմ գործընկերներին և իրավապաշտպանների կոալիցիային՝ կոչ անելով դեէսկալացիայի, հրադադարի և վճռական մարդասիրական գործողությունների, որոնք կկանխեն խաղաղ բնակչության շրջանում հետագա ավերիչ զոհերը ողջ տարածաշրջանում», - ասել է Թլայբը:
