Բելառուսը և Իրանը պետք է ավելի սերտ համագործակցեն միմյանց հետ՝ դիմակայելու Արևմուտքի հարձակումներին. Լուկաշենկո

Բելառուսը և Իրանը պետք է ավելի սերտ համագործակցեն միմյանց հետ՝ դիմակայելու Արևմուտքի հարձակումներին: Այդ մասին հոկտեմբերի 17-ին  Իրանի առաջին փոխնախագահ Մոհամմադ Մոխբերի հետ հանդիպմանը հայտարարել է Բելառուսի նախագահ Ալեքսանդր Լուկաշենկոն, փոխանցում է БЕЛТА-ն։

«Հուսով եմ, որ դուք չեք հիասթափվի ձեր այցից։ Հարցերը շատ են, խոսելու բան կա։ Ուստի, ես նույնպես հույս ունեմ, որ մեր զրույցը կունենա լավ գործնական արդյունք»,- իրանցի հյուրին ողջունել է երկրի ղեկավարը։ - Դուք գիտեք, թե ինչ իրավիճակ է Բելառուսում։ Սա մոտավորապես նույն իրավիճակն է, որում դուք եք։ Մեր պետությունների վրա գործադրվող ճնշումն աննախադեպ է, բայց դուք արդեն սովորել եք ինչ-որ չափով դիմակայել դրան, և ձեր փորձը մեզ համար շատ կարևոր է։ Ինձ անընդհատ զարմացնում է այն, որ Իրանը այս ընթացքում այս լայնածավալ գործողությունների ընթացքում ոչ թե բոլորովին նվազեցրել է իր զարգացման մակարդակը, այլ, ընդհակառակը, զգալիորեն բարձրացրել այն»։