Թուրքիան և Ադրբեջանը հայտարարված նպատակ ունեն՝ Հայաստանի գրավում․ Ալեքսիս Օհանյան

Ամերիկահայ գործարար, Reddit սոցիալական ցանցի հիմնադիր Ալեքսիս Օհանյանն անդրադարձել է Հայաստանի հանդեպ Թուրքիայի և Ադրբեջանի քայլերին։

«Մենք տոկուն ժողովուրդ ենք։ Բայց ինչո՞ւ պետք է այդքան տոկուն լինենք 100 և ավելի տարիներ: Այդ նույն մարդկանց, որոնք դեռևս ժխտում են իրենց իսկ կողմից իրականացված մեր ցեղասպանությունը, գլոբալ տերությունները տվել են ազատ իշխանություն՝ կազմակերպելու արտաքսում, և մենք բոլորս վախենում ենք, որ առաջիկա ամիսներին այն կհանգեցնի հայկական հողի ավելի մեծ նվաճման: Թուրքիան և Ադրբեջանն այստեղ հայտարարված նպատակ ունեն՝ Հայաստանի գրավում»,- X-ի իր էջում գրել է գործարարը։