Ադրբեջանի և Իրանի արտգործնախարարները քննարկել են հայ-ադրբեջանական հարցերը

Սաուդյան Արաբիայում հանդիպել են Ադրբեջանի և Իրանի արտգործնախարարներ Ջեյհուն Բայրամովը և Հոսեյն Ամիր Աբդոլահիանը։

Կողմերը քննարկել են համագործակցության երկկողմ օրակարգին վերաբերող հարցեր, տարածաշրջանում տիրող իրավիճակը, այդ թվում՝ տարածաշրջանային համագործակցությունը, ինչպես նաևնշել են  երկկողմ օրակարգի մի շարք հարցեր ուղղակի շփումների միջոցով լուծելու կարևորությունը։

Ըստ ադրբեջանական լրատվամիջոցների, Բայրամովը խոսել է Ադրբեջանի և Հայաստանի միջև «խաղաղության օրակարգի» հեռանկարների մասին։

Զրուցակիցները քննարկել են նաև փոխադարձ հետաքրքրություն ներկայացնող այլ հարցեր։