Լավրովը հանդիպել է Կիմ Չեն Ընի հետ

Հյուսիսային Կորեայի առաջնորդ Կիմ Չեն Ընը Փհենյանում ընդունել է Ռուսաստանի արտաքին գործերի նախարար Սերգեյ Լավրովին, հինգշաբթի լրագրողներին հայտնել են ՌԴ ԱԳՆ-ից։

Հանդիպումը տեւել է մեկ ժամից մի փոքր ավելի, հայտնում է «ՌԻԱ Նովոստին»։

Լավրովը Հյուսիսային Կորեա է ժամանել չորեքշաբթի՝ երկօրյա այցով, որը տեղի է ունենում Կիմ Չեն Ընի՝ Հեռավոր Արևելք կատարած այցից և Ռուսաստանի նախագահի հետ Ամուրի շրջանի «Վոստոչնի» տիեզերակայանում նրա հանդիպումից մեկ ամիս անց։

Վերջին անգամ Լավրովը ԿԺԴՀ էր այցելել 2018 թվականի մայիսի վերջին, մինչ այդ նախարարն այցելել էր Փհենյան 2009 և 2004 թվականներին։