Այրվել են «Mercedes-Benz» մակնիշի ավտոմեքենան, կենցաղային իրեր և տան տանիքի դուռը
ՀԱՍԱՐԱԿՈՒԹՅՈՒՆ
Հոկտեմբերի 19-ին, ժամը 13։48-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նորամարգ գյուղում այրվում է ավտոմեքենա: Հայտնել է ՀՀ փրկարար ծառայությունը։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և մեկ ջրատար:
Հրդեհը մեկուսացվել է ժամը 14:20-ին, մարվել՝ 15:10-ին: Ազատության փողոցում գտնվող ավտոտնակում այրվել են «Mercedes-Benz» մակնիշի ավտոմեքենան, կենցաղային իրեր և տան տանիքի դուռը:
