ԱՄՆ Պետդեպն արտասահմանում գտնվող իր քաղաքացիներին խորհուրդ է տալիս «ծայրահեղ զգուշություն ցուցաբերել»
ՄԻՋԱԶԳԱՅԻՆ
ԱՄՆ Պետդեպարտամենտը հազվագյուտ ահազանգ է տարածել՝ խորհուրդ տալով արտերկրում գտնվող ԱՄՆ բոլոր քաղաքացիներին «ծայրահեղ զգուշություն ցուցաբերել»՝ վկայակոչելով «աշխարհում աճող լարվածությունը և ԱՄՆ քաղաքացիների և շահերի դեմ ահաբեկչական հարձակումների, ցույցերի կամ բռնի գործողությունների հավանականությունը», հաղորդում է CNN-ը:
Նախազգուշացումը տրվել է այն բանից հետո, երբ Մերձավոր Արևելքում բողոքի ցույցեր են սկսվել՝ ի պատասխան Իսրայելի և ՀԱՄԱՍ-ի միջև պատերազմի, ընդ որում՝ բազմաթիվ ցուցարարներ հարձակվել են ԱՄՆ դիվանագիտական ներկայացուցչությունների վրա:
Պետքարտուղարությունը բարձրացրել է Լիբանանի և Իսրայելի համար նախատեսված իր ճամփորդական նախազգուշացումն ամենաբարձր մակարդակի վրա և թույատրել է ամերիկյան պետական աշխատողների և նրանց ընտանիքների ոչ շտապ տեղափոխումը:
Պետքարտուղարությունը վերջին անգամ նման ահազանգ է տվել 2022 թվականի օգոստոսին՝ Ալ-Քաիդայի առաջնորդ Այման ալ-Զավահիրիի սպանությունից հետո՝ զգուշացնելով, որ «Ալ-Քաիդայի կամ հարակից ահաբեկչական կազմակերպությունների կողմնակիցները կարող են փորձել հարձակվել ԱՄՆ-ի օբյեկտների, անձնակազմի կամ քաղաքացիների վրա»:
