Երիտասարդի մոտ լիցքավորված ատրճանակ է հայտնաբերվել

Ոստիկանության Արաբկիրի բաժնի ծառայողները հոկտեմբերի 20-ին Նաիրի Զարյան փողոցում հայտնաբերել, ապօրինի զենք-զինամթերք կրելու և պահելու կասկածանքով ձերբակալել և բաժին են տեղափոխել 22-ամյա երիտասարդի: Հայտնել է ՀՀ ոստիկանությունը։

Անձնական խուզարկությամբ նրա մոտ հայտնաբերվել են ատրճանակ՝ լիցքավորված վեց փամփուշտով, և չորս փամփուշտ:

Երիտասարդը և կազմված փաստաթղթերը ներկայացվել են նախաքննական մարմին: