Գեղարքունիքում լույս աշխարհ է եկել Արցախից երրորդ երեխան

ՀՀ Գեղարքունիքի մարզի Սևանի բժշկական կենտրոնում հոկտեմբերի 21-ին լույս աշխարհ է եկել Արցախից  երրորդ երեխան՝ 4,5կգ քաշով, 55սմ հասակով։ Հայտնել է մարզպետի աշխատակազմը։

Աղջիկ երեխային անվանակոչել են Անգելինա։

Անգելինան ծնվել է Արցախի Մարտակերտի շրջանի Հաթերք գյուղից բռնի տեղահանված ու Գեղարքունիքի մարզի Սևան համայնքի Չկալովկա գյուղում ապաստանած Կարեն և Շուշանիկ Մակեյանների ընտանիքում։

Անգելինան այս ամուսնական զույգի երկրորդ զավակն է։