ԻՀՊԿ ռազմածովային ուժերը զորավարժություններ են անցկացրել՝ ի աջակցություն Գազայի հատվածի բնակչության

Պարսից ծոցի հյուսիսում գտնվող Իրանի Իսլամական հեղափոխության պահապանների կորպուսի նավատորմի երրորդ Բասիջ ռազմածովային շրջանի հրամանատար, կոնտրադմիրալ Ալի Բախշայը հայտնել է, որ շաբաթ օրն ԻՀՊԿ նավերը ռազմածովային զորավարժություններ են անցկացրել՝ ի աջակցություն Գազայի հատվածի բնակչության, հաղորդում է Mehr-ը:

«Ահվազ, Հենդիջան, Արվանդկանար քաղաքներում և Իմամ Հասան Մոջթաբի ռազմածովային բազայում Պաղեստինի ճնշված ժողովրդին աջակցելու համար ռազմածովային զորավարժություններ են անցկացվել»,- լրագրողներին ասել է կոնտրադմիրալը։ «Այս զորավարժությունների ընթացքում մասնակիցներն իրենց զզվանքը հայտարարեցին Սիոնիստական ​​ռեժիմի նողկալի հանցագործությունների նկատմամբ՝ իրենց նավերը տեղափոխելով Պարսից ծոցի ջրերը»:

«Զորավարժությունների ընթացքում, որոնց ժամանակ նավերի վրա ծածանվում են մեր երկրի, Պաղեստինի և Դիմադրության ճակատի դրոշները, մասնակիցները պատրաստակամություն են հայտնել պաշտպանել Պաղեստինի ճնշված ժողովրդին»,- հավելել է Բախշայը։