Թուրքիայում բեռնատարը դուրս է եկել կառավարումից և մխրճվել 3 մեքենայի մեջ. 3 մարդ մահացել է, 11-ը վիրավորվել (լուսանկար)

Թուրքիայում բեռնատարը, որի պետհամարանիշն ու վարորդը դեռ պարզված չեն, բախվել է դիմացից ընթացող միկրոավտոբուսին այն հատվածում, որտեղ ճանապարհաշինությունն էր ընթանում Նարլի հանգույցի մոտ։

Այնուհետև ճանապարհաշինական աշխատանքների համար նախատեսված հատվածում բեռնատարը հարվածել է ասֆալտ լցնող մեքենային, շրջվել և բռնկվել։

Նախնական տվյալներով՝ վթարի հետևանքով զոհվել է 3, վիրավորվել՝ 11 մարդ։

Տուժածներին շտապօգնության մեքենաներով տեղափոխել են Քահրամանմարաշի և Գազիանթեփի հիվանդանոցներ։