Շարունակվում է, անվտանգության նկատառումներից ելնելով, Հայաստան տեղափոխվելու ցանկություն ունեցող քաղաքացիների գրանցումը. Իսրայելում ՀՀ դեսպանություն

Շարունակվում է Իսրայելից Հայաստան անվտանգության նկատառումներից ելնելով, կամավոր հիմունքներով տեղափոխվելու ցանկություն ունեցող ՀՀ քաղաքացիների և նրանց ընտանիքների անդամների գրանցումը: Այս մասին հայտնում է Իսրայելում ՀՀ դեսպանությունը:

«ՀՀ կառավարությունն իր հնարավոր որոշումները կայացնելիս առաջնորդվելու է ներկայացված հղումով հասանելի էլեկտրոնային հայտի միջոցով ձևավորված ցուցակով:

ՈՒՇԱԴՐՈՒԹՅՈՒՆ

Ընտանիքի յուրաքանչյուր անդամի համար, անկախ տարիքից, այդ թվում՝ յուրաքանչյուր անչափահասի համար, անհրաժեշտ է լրացնել առանձին հայտ՝ ընտանիքի բոլոր անդամների համար նշելով միևնույն բջջային հեռախոսահամարը։

Լրացուցիչ տեղեկությունների կամ հարցերի համար խնդրում ենք կապ հաստատել Իսրայելում ՀՀ դեսպանության հետ՝ թեժ գծի հեռախոսահամարով (+972 50 6670345)»,- հայտնում են դեսպանությունից: