ՌԴ խաղաղապահները չկարողացան կամ չցանկացան ապահովել Լեռնային Ղարաբաղի հայերի անվտանգությունը.Նիկոլ Փաշինյան

Փաստ է, որ ՌԴ խաղաղապահները չկարողացան կամ չցանկացան ապահովել Լեռնային Ղարաբաղի հայերի անվտանգությունը։ The Wall Street Journal-ին տված հարցազրույցի ընթացքում նշել է ՀՀ վարչապետ Նիկոլ Փաշինյանը։

«Երբ ես խոսում եմ ձախողման մասին, նկատի ունեմ, որ ռուսական խաղաղապահ զորքերը չկարողացան կամ չցանկացան ապահովել Լեռնային Ղարաբաղի հայերի անվտանգությունը», - մասնավորապես նշել է ՀՀ վարչապետը։

Փաշինյանը նաև խոսել է արցախահայության հետագա ճակատագրից՝ կարծիք հայտնելով, որ եթե նրանք «ԼՂ վերադառնալու հնարավորություն կամ ցանկություն չունենան, մենք ամեն ինչ կանենք, որ նրանք մնան ու ստեղծագործեն Հայաստանում»։ 

Ըստ վարչապետի, ՀՀ կարող է խաղաղ լինել, եթե խաղաղ է տարածաշրջանը. «Չի կարող այնպիսի իրավիճակ լինել, որ տարածաշրջանը խաղաղ չէ, բայց Հայաստանը խաղաղ է: Եւ դրա համար մենք, խաղաղության մեր պատկերացումները որևէ կերպ չենք հակադրում և չենք տարանջանտում խաղաղության տարածաշրջանային շահերին»: