Պեսկովը մեկնաբանել է Փաշինյանի հարցազրույցը WSJ-ին

ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը շարունակում է ջանքեր գործադրել՝ օգնելու Հայաստանին և Ադրբեջանին խաղաղության պայմանագիր կնքել, դա անհրաժեշտ է տարածաշրջանում իրավիճակը կայունացնելու համար։

«Իհարկե, ջանքերը շարունակվում են, փորձերը՝ օգնելու Բաքվին և Երևանին վերջապես խաղաղության պայմանագրի կնքմանը: Դա անհրաժեշտ է տարածաշրջանում իրավիճակը կայունացնելու և ողջ տարածաշրջանում ավելի դրական կենսամակարդակի հասնելու համար», - ասել է Պեսկովը լրագրողներն՝ ի պատասխան Նիկոլ Փաշինյանի հայտարարությունների մասին The Wall Street Journal-ին տված հարցազրույցում։

Բացի այդ, Պեսկովը նշել է, որ Կրեմլը «հակված չէ Wall Street Journal-ն ընկալել որպես առաջնային աղբյուր», ուստի նրանք ակնկալում են այս հարցի վերաբերյալ ողջ տեղեկատվությունը ստանալ Հայաստանի ներկայացուցիչների հետ հանդիպման ժամանակ։

«Եվ, իհարկե, Ռուսաստանի և Հայաստանի համար լավ չէ շփվել թերթերի միջոցով, հատկապես Wall Street Journal-ի միջոցով»,- ընդգծեց նա՝ հավելելով, որ Ռուսաստանը հայ ընկերների հետ երկխոսության շատ ընդարձակ օրակարգ ունի։