Կանադայի ԱԳ նախարարը Ջերմուկի հատվածում դիտարկել է իրավիճակն Ադրբեջանի հետ սահմանին

Կանադայի արտաքին գործերի նախարար Մելանի Ժոլին այցելել է Ջերմուկի հատվածում տեղակայված հայկական մարտական դիրքեր։

Նա ծանոթացել է այդ հատվածում Ադրբեջանի հետ սահմանին առկա իրավիճակին։ 

Հայաստանի զինված ուժերի 5-րդ բանակային կորպուսի հրամանատար Սասուն Բադասյանը նախարարին է ներկայացրել օպերատիվ իրավիճակը, տվյալներ փոխանցել այդ հատվածում Ադրբեջանի կողմից Հայաստանի ինքնիշխան տարածքների օկուպացիայի վերաբերյալ։

Բադասյանը մանրամասնել է, որ այդ հատվածում Ադրբեջանը զավթել է 7600 հեկտար տարածք։