Կարագանդայի հանքում պայթյուն է տեղի ունեցել. 21 մարդ է զոհվել

Ղազախստանի Կարագանդա քաղաքի Կոստենկոյի անվան հանքում պայթյուն է տեղի ունեցել, զոհվել է 21 մարդ։ Այս մասին հայտնում է Kazinform գործակալությունը։

Ենթադրաբար, հրդեհը տեղի է ունեցել մեթանի պայթյունի պատճառով։ Վթարի պահին հանքում եղել է 252 մարդ, դուրս է բերվել 205 հանքափոր։

Ղազախստանի արտակարգ իրավիճակների նախարարության ղեկավար Սիրիմ Շարիֆանովը դեպքի վայր է մեկնել՝ ղեկավարելու վթարի վերացման շտաբը։