Ադրբեջանի պաշտպանության նախարարը ժամանել է Չինաստան

Ադրբեջանի պաշտպանության նախարար Զաքիր Հասանովն աշխատանքային այցով ժամանել է Չինաստան՝ մասնակցելու Պեկինում անցկացվող միջազգային անվտանգության հարցերով Սյանշանի 10-րդ համաժողովին:

Ըստ ադրբեջանական ԶԼՄ-ների՝ այցի շրջանակներում նախատեսվում է վերջինիս հանդիպումը Չինաստանի ռազմական ղեկավարության հետ, քննարկում ռազմական, ռազմատեխնիկական և այլ ոլորտներում երկկողմ համագործակցության զարգացման հեռանկարների վերաբերյալ, ինչպես նաև այցելություն երկրի պաշտպանական-արդյունաբերական համալիրի մի քանի ընկերություններ: