ԵԽԽՎ Հայաստանի հարցերով համազեկուցողները մոնիտորինգային այց կկատարեն Երևան. նրանք կհանդիպեն Փաշինյանին, կայցելեն Երասխ
ՔԱՂԱՔԱԿԱՆՈՒԹՅՈՒՆ
ԵԽԽՎ մոնիտորինգի հանձնաժողովի Հայաստանի հարցերով համազեկուցողներ Կիմո Կիլյունենն և Բորիանա Աբերգը նոյեմբերի 6-8-ը այց կկատարեն Հայաստան: Այս մասին հաղորդագրություն է տարածել կառույցը:
«Երևանում Կիլյունենը և Աբերը կհանդիպեն ՀՀ վարչապետի, արդարադատության և ներքին գործերի նախարարների, ինչպես նաև Ազգային ժողովում խորհրդարանական խմբերի ղեկավարների կամ ներկայացուցիչների հետ: Նախատեսված են հանդիպումներ նաև Սահմանադրական դատարանի նախագահի և դատական մարմինների, Կոռուպցիայի կանխարգելման հանձնաժողովի, Կենտրոնական ընտրական հանձնաժողովի և Հեռուստատեսության և ռադիոյի հանձնաժողովի ներկայացուցիչների հետ»,- ասված է հաղորդագրության մեջ:
Նշվում է, որ համազեկուցողները կայցելեն նաև Երասխ, որտեղ կհանդիպեն տեղական իշխանությունների ներկայացուցիչների և Լեռնային Ղարաբաղից փախստականների հետ:
