Քաղաքացին վատացել է Սուրբ Հովհաննես մատուռի մոտակայքում․ շտապօգնություն են կանչել

Նոյեմբերի 4-ին, ժամը 13:24-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հարթագյուղ գյուղի «Սուրբ Հովհաննես» կոչվող մատուռի մոտակայքում քաղաքացու ինքնազգացողությունը վատացել է․ շտապօգնության ավտոմեքենային մոտեցնելու համար անհրաժեշտ է փրկարարների օգնություն։ Հայտնել է ՀՀ փրկարար ծառայությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: 

Փրկարարները Կ․ Մ․-ին (ծնված 1956 թ․) պատգարակով (մոտ 70 մ) մոտեցրել են փրկարարական ավտոմեքենային, այնուհետև տեղափոխել (մոտ 5 կմ) և մոտեցրել շտապօգնության ավտոմեքենային։