Մահացել է «Հաջողության ջենտլմենները» ֆիլմից հայտնի Անատոլի Յաբբարովը

87 տարեկանում մահացել է խորհրդային և ռուս թատրոնի և կինոյի դերասան Անատոլի Յաբբարովը, որը հայտնի է «Հաջողության ջենտլմենները» ֆիլմից, հայտնում է kino-teatr.ru պորտալը։

Նշվում է, որ դերասանը կյանքից հեռացել է նոյեմբերի 6-ին։ Մահվան պատճառը չի հաղորդվում։
Անատոլի Յաբբարովը ծնվել է 1937 թվականի օգոստոսի 24-ին՝ Բաքվում։ Կինոյում իր դեբյուտը կայացել է 1964 թվականին։ Նա առավել հայտնի է «Հաջողության ջենտլմենները» (1971), «Երկու կապիտան» (1976), «Բանտից փախուստ» (1977) ֆիլմերում խաղացած դերերով։