Հռոմի պապը ազատել է Տեխասում իրեն քննադատող եպիսկոպոսին

Հռոմի պապ Ֆրանցիսկոս Առաջինը շաբաթ օրը հարկադրաբար պաշտոնից ազատել է ամերիկյան Տեխաս նահանգի Թայլեր քաղաքի եպիսկոպոսին, սոցցանցերի պահպանողական ակտիվիստին, որը հովվապետի մոլի քննադատողն էր, տեղեկացրել է АР-ն։

Վատիկանի հայտարարությունում նշվել է, որ Ֆրանցիսկոսը ազատել է եպիսկոպոս Ջոզեֆ Սթրիկլենդին Թայլերի հովվի պաշտոնից եւ ժամանակավոր կարգադրիչ նշանակել եպիսկոպոս Օսթինին։

Սթրիկլենդը քննադատել էր Ֆրանցիսկոսին՝ նրան մեղադրելով «հավատքի հիմքերը խարխլելու մեջ»։

Վատիկանը քննիչներ էր ուղարկել՝ ստուգելու նրա թեմը այն տեղեկությունների ֆոնին, որ նա առաջադրում է ոչ օրթոդոքսալ հայտարարություններ։

Վատիկանը չի հրապարակել հետաքննության արդյունքները, եւ Սթրիկլենդը պնդել էր, որ ինքնակամ հրաժարական չի տա։ ԶԼՄ-ների հարցազրույցում նա ասել է, որ մանդատ է ստացել Հռոմի հանգուցյալ պապ Բենեդիկտոս XVI-ից։