Սիցիլիայում ժայթքել է Էթնա հրաբուխը (տեսանյութ)

Սիցիլիա կղզում Էթնա լեռան նոր ժայթքում է տեղի ունեցել։ Այս մասին հայտնում է La Sicilia թերթը՝ հղում անելով Իտալիայի երկրաֆիզիկայի և հրաբխագիտության ազգային ինստիտուտին:

Հրատարակության տվյալներով՝ ժայթքումը տեղի է ունեցել հրաբխի հարավարևելյան խառնարանում։ Ըստ փորձագետների՝ ժայթքման սյունի բարձրությունը ծովի մակարդակից մոտ 4,5 հազար մ է եղել։

Նշվում է, որ Էթնայի ժայթքման ներկա փուլը չի ​​ազդում սիցիլիական Կատանիա քաղաքի օդանավակայանի շահագործման վրա։

Էթնան գտնվում է մասնագետների մշտական ​​հսկողության ներքո։ Որպես կանոն՝ այս հրաբխի ակտիվությունը բնակչության համար վտանգ չի ներկայացնում։