Մոսկվան ցավում է, որ Փաշինյանը հրաժարվել է մասնակցել Մինսկում ՀԱՊԿ գագաթնաժողովին. Դմիտրի Պեսկով

ՌԴ նախագահի մամուլի քարտուղար Դմիտրի Պեսկովը ափսոսանք է հայտնել, որ ՀՀ վարչապետ Նիկոլ Փաշինյանը չի կարողանա մասնակցել Մինսկում կայանալիք Հավաքական անվտանգության պայմանագրի կազմակերպության (ՀԱՊԿ) գագաթնաժողովին։ Այս մասին նոյեմբերի 14-ին հայտնել է Կրեմլի ներկայացուցիչը։

«Մենք հասկանում ենք, որ յուրաքանչյուր կառավարության կամ պետության ղեկավար կարող է ունենալ իր միջոցառումներն իր աշխատանքային ժամանակացույցում, իր հանգամանքները»,- ասել է նա՝ պատասխանելով հարցին, թե ինչպես է Կրեմլը վերաբերվում Փաշինյանի՝ գագաթնաժողովին մասնակցելու հրաժարմանը։

«ՀԱՊԿ-ը մնում է ակտուալ. Այդ մասին են վկայում հանդիպումները, որոնք անցկացվում են»,- հավելել է Պեսկովը։