Արտակարգ դեպք՝ Երևանում. Mercedes G-ում (յաշիկ) հրդեհ է բռնկվել

Այսօր՝ նոյեմբերի 16-ին, արտակարգ դեպք տեղի ունեցել Երևանում: Ժամը 20:20-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Գրիգոր Լուսավորիչ փողոցում՝ դեպի Արշակունյաց պողոտա տանող հատվածում ավտոմեքենա է այրվում:

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են Երևանի թիվ 1 հրշեջ-փրկարարական ջոկատից 1 մարտական հաշվարկ:

Պարզվել է, որ հրդեհը բռնկվել է Mercedes G մակնիշի ավտոմեքենայի շարժիչի հատվածում, բարեբախտաբար վարորդը ժամանակին ճիշտ է կողմնորոշվել և կանխել է կրակի տարածումը:

Հրշեջներն էլ հոսանքազրկել են ավտոմեքենան, փակել գազաբալոնն ու տեղում հերթապահություն իրականացրել: 

Օպերատիվորեն ժամանել են Երևանի շտապօգնության բժիշկների հերթապահ խումբը, սակայն վարորդը հրաժարվել է բժիշկների օգնությունից: 

Պարզվել է , որ ավտոմեքենան վարել է 66-ամյա Վարուժան Դավթյանը: Ըստ նախնական տեղեկությունների տուժածներ չկան, և վարորդի ճիշտ ու հրշեջների օպերատիվ գործողությունների արդյունքում ավտոմեքենան մոխրակույտի չվերածվեց: