Դատախազությունը պարզել է, որ սկանդալային ձայնագրություններից միայն մեկն է առերևույթ հանցագործության հատկանիշներ է պարունակում

Տեղեկացնում ենք, որ մամուլում հրապարակված «ՀՀԿ-ն չարաշահում է վարչական ռեսուրսը դպրոցներում ու մանկապարտեզներում» վերտառությամբ հոդվածները և դպրոցների և մանկապարտեզների տնօրենների ձայնագրությունների հրապարակված ցանկը ուսումնասիրվել է ՀՀ գլխավոր դատախազությունում դեռևս հունվար ամսին ստեղծված աշխատանքային խմբի կողմից:
Ուսումնասիրությամբ պարզվել է, որ ձայնագրություններից մեկը առերևույթ հանցագործության հատկանիշներ է պարունակում:
Նշված մյուս ձայնագրությունները հանցագործության հատկանիշներ չեն պարունակում, ուստի դրանց վերաբերյալ տեղեկատվության տրամադրումը գտնվում է պետական այլ իրավասու մարմինների լիազորությունների շրջանակում:

Այս մասին 1or.am-ին հայտնեցին ՀՀ Գլխավոր դատախազության հանրային կապերից:

Հիշեցնենք, որ 116 հաստատության տնօրեն խոստովանել էին, որ ՀՀԿ-ի համար ցուցակներ էին հավաքում: