Մի քանի միլիոն դրամի անասնակեր է այրվել

Նոյեմբերի 21-ին, ժամը 19:45-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր քաղաքի Խնձորուտ թաղամասի 6-րդ փողոցի վերջնամասում գտնվող տներից մեկի բակում այրվում է պահեստավորած անասնակեր։ Հայտնել է ՀՀ փրկարար ծառայությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։

Պարզվել է, որ հրդեհը բռնկվել է Խնձորուտ թաղամասի 7-րդ փողոցի տներից մեկի բակում:

Հրդեհը մեկուսացվել է ժամը 22։01-ին, մարվել՝ նոյեմբերի 22-ին, ժամը 09:12-ին։ Այրվել է մոտ 3900 հակ անասնակեր: