Օդի ջերմաստիճանը կբարձրանա, սակայն Երևանի ցածրադիր գոտում և Արարատյան դաշտում հնարավոր է մառախուղ

Նոյեմբերի 23-26-ը Երևանում սպասվում է առանց տեղումների եղանակ։ Նոյեմբերի 27-ին սպասվում է անձրև։ Նոյեմբերի 23-25-ը ցածրադիր գոտում առավոտյան ժամերին հնարավոր է մառախուղ։

Մարզերում նոյեմբերի 23-26-ը սպասվում է առանց տեղումների եղանակ։

Նոյեմբերի 27-ին առանձին շրջաններում սպասվում են տեղումներ, լեռնային շրջաններում՝ թաց ձյուն։

Քամին՝ հարավարևմտյան 3-6մ/վ, առանձին վայրերում սպասվում է քամու ուժգնացում, նոյեմբերի 23-ին, 26-ին՝ 15-18մ/վ, 26-ին, 27-ին՝ 18-22մ/վ արագությամբ:

Նոյեմբերի 23-25-ն Արարատյան դաշտում առավոտյան ժամերին հնարավոր է մառախուղ։

Օդի ջերմաստիճանը նոյեմբերի 23-26-ն աստիճանաբար կբարձրանա 3-5 աստիճանով։