ՀԱՊԿ-ում փոխվել է Միացյալ շտաբի պետը

Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհուրդը քննարկել է Ռուսաստանի օդադեսանտային ուժերի նախկին հրամանատար Անդրեյ Սերդյուկովի թեկնածությունը կազմակերպության միացյալ շտաբի պետի պաշտոնում։ Այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը, փոխանցում է РБК-ն։

Անվտանգության խորհրդի անդամները հաստատել են Սերդյուկովին պաշտոնում։

Նախկինում ՀԱՊԿ-ի միացյալ շտաբի ղեկավարն էր Անատոլի Սիդորովը, ով մինչ իր նշանակումը ծառայում էր որպես Ռուսաստանի Արևմտյան ռազմական օկրուգի զորքերի հրամանատար։