Էնթոնի Բլինկենը Բրյուսելում կմասնակցի ՆԱՏՕ-ի արտգործնախարարների հանդիպմանը

ԱՄՆ պետքարտուղար Էնթոնի Բլինկենը հաջորդ շաբաթ կմասնակցի ՆԱՏՕ-ի արտգործնախարարների հանդիպմանը՝ «ընդգծելու Ռուսաստանի դեմ պատերազմում դաշինքի հավատարմությունն Ուկրաինային», - ասել է ԱՄՆ Պետդեպարտամենտը:

Հանդիպումը տեղի կունենա նոյեմբերի 27-29-ը Բրյուսելում։

Պետքարտուղարության հայտարարության մեջ նաև ասվում է, որ Բլինկենը «կընդգծի ԱՄՆ աջակցությունն Արևմտյան Բալկաններում ժողովրդավարությանը և տարածաշրջանային կայունությանը»: