Թունավորումներ՝ շմոլ գազից. 7 կին տեղափոխվել է հիվանդանոց

Մարտի 27-ին, ժամը 20.30-ին, հիվանդանոցից ոստիկանության Կոտայքի բաժնում հաղորդում է ստացվել, որ «սուր Էկզոգեն թունավորում շմոլ գազից» ախտորոշմամբ բուժօգնության են տեղափոխվել 48-ամյա Սուսաննա Գ.-ն, 24-ամյա Վարդուհի Գ.-ն եւ 24-ամյա Տիրուհի Գ.-ն:

Ոստիկանության մամուլի ծառայությունից 1or.am-ին հայտնում են, որ մեկնած օպերատիվ խումբը պարզել է, որ նույն օրը, ժամը 18-ի սահմաններում, վերջիններս տանն իրենց վատ են զգացել:

Կատարվում է հետաքննություն:

***

Մարտի 28-ին, ժամը 00.10-ին, հիվանդանոցից ոստիկանության Կոտայքի բաժնում հաղորդում է ստացվել, որ «սուր Էկզոգեն թունավորում շմոլ գազից» ախտորոշմամբ բուժօգնության են տեղափոխվել 77-ամյա Ռոզա Ա.-ն, 27-ամյա Ռոզա Ա.-ն, 25-ամյա Լիլիթ Ա.-ն եւ 52-ամյա Խանում Ջ.-ն:

Մեկնած օպերատիվ խումբը պարզել է, որ մարտի 27-ին, ժամը 23.00-ի սահմաններում, վերջիններս տանն իրենց վատ են զգացել:

Կատարվում է հետաքննություն: