Թալինի, Սեւանի եւ Մեղրիի տարածաշրջաններում ձյուն է տեղում․ ինչ իրավիճակ է ճանապարհներին

Թալինի, Սեւանի եւ Մեղրիի տարածաշրջաններում, նոյեմբերի 27-ի ժամը 19:40-ի դրությամբ,  ձյուն է տեղում, իսկ Սպիտակի, Վայքի տարածաշրջաններում՝ ձնախառն անձրեւ։

«Ճանապարհային դեպարտամենտ» հիմնադրամի հաղորդմամբ՝ միջպետական եւ հանրապետական նշանակության բոլոր ավտոճանապարհները բաց են։

Ըստ աղբյուրի՝ ճանապարհաշինարարներն ավտոճանապարհներին իրականացնում են մաքրման եւ աղ-ավազով մշակման աշխատանքներ: