Ադրբեջանում հիվանդանոցի հոսանքազրկման պատճառով նորածիններ են մահացել

Ադրբեջանի Սակյանի շրջանում հիվանդանոցի հոսանքազրկման պատճառով նորածին եռյակից երկուսը մահացել են ծնվելուց վեց ժամ հետո, իսկ երրորդ երեխայի վիճակը գնահատվում է ծանր: Այս մասին հայտնում է haqqin.az–ը:

Նախօրեին գիշերը Սալյանի կենտրոնական շրջանային հիվանդանոցում 21-ամյա Միրզաբիտա Աբդուլաեւան եռյակ է լույս աշխարհ բերել: Սակայն ծննդաբերությունից վեց ժամ հետո հիվանդանոցում էլեկտրաէներգիայի մատակարարումը դադարեցվել է, ինչի հետեւանքով եռյակից երկուսը, որոնք կուվեզի մեջ էին, մահացել են թթվածնային անբավարարությունից, երրորդ երեխայի վիճակն էլ ծանր է:

Միեւնույն ժամանակ, Report-ը հայտնում է, որ Սալյանի հիվանդանոցում կա էլեկտրագեներատոր, որը սակայն անսարքություն ուներ եւ չէր աշխատում: