Հյուսիսային Մակեդոնիայում կայացել է ՀԱՊԿ անդամ երկրների ներկայացուցիչների հանդիպումը

Նոյեմբերի 30-ին Սկոպյեում Ռուսաստանի արտաքին գործերի փոխնախարար Ալեքսանդր Գրուշկոն մասնակցել է Հավաքական անվտանգության պայմանագրի կազմակերպության անդամ երկրների ներկայացուցիչների հերթական աշխատանքային հանդիպմանը՝ ԵԱՀԿ Նախարարների խորհրդի նիստի նախօրեին։

Ինչպես հաղորդում է ՌԴ ԱԳՆ-ն, կողմերը համեմատել են ԵԱՀԿ օրակարգի առանցքային հարցերի շուրջ մոտեցումները։

Պայմանավորվածություն է ձեռք բերվել ամրապնդել փոխգործակցությունը Վիեննայում և այլ միջազգային հարթակներում: