Դոնի Ռոստովի շուկայում բռնկված հրդեհը մարվել է

Դոնի Ռոստովի հագուստի շուկայում բռնկված հրդեհն ամբողջությամբ մարվել է, հայտնում է ՌԴ ԱԻՆ Telegram ալիքը։

«Դոնի Ռոստովում ՌԴ Արտակարգ իրավիճակների նախարարության հրշեջները մարել են հագուստի շուկայում բռնկված հրդեհը»,- ասվում է հաղորդագրության մեջ։

Դոնի Ռոստովի Միրոնովի փողոցում բռնկված հրդեհը գրանցվել է հինգշաբթի Մոսկվայի ժամանակով 20:39-ին։ Տեմերնիկ շուկայի տարածքում առեւտրի տաղավարներ են բռնկվել։ Հրդեհը տեղայնացվել է 4 հազար քառ. մ. տարածքում։ Մարումը բարդացել է խիտ շինությունների և հրդեհի արագ տարածման պատճառով։ Հրդեհի մարմանը ներգրավվել է 113 մարդ և 33 տեխնիկա։