Ուկրաինան «կրիտիկական իրավիճակում» է. պետք է պատրաստվենք վատ նորություններին. ՆԱՏՕ-ի գլխավոր քարտուղար
ՄԻՋԱԶԳԱՅԻՆ
ՆԱՏՕ-ի գլխավոր քարտուղար Ենս Ստոլտենբերգը կարծում է, որ Ուկրաինայի համար իրավիճակը կարող է վատթարանալ, եթե Արևմուտքը չավելացնի զենքի մատակարարումները։
Նրա կարծիքով՝ Կիևը գտնվում է «կրիտիկական իրավիճակում»։
«Մենք պետք է պատրաստվենք վատ նորություններին», - ասել է Ստոլտենբերգը գերմանական Das Erste հեռուստաալիքին տված հարցազրույցում:
Նա նշել է, որ «հակամարտությունները զարգանում են փուլերով»։
«Բայց մենք պետք է աջակցենք Ուկրաինային ինչպես վատ, այնպես էլ լավ ժամանակներում»,- հավելել է ՆԱՏՕ-ի գլխավոր քարտուղարը։
Ստոլտենբերգը չի պատասխանել լրագրողի այն հարցին, թե ինչպես պետք է գործեն Ուկրաինայի զինված ուժերը այս իրավիճակում։ Նա վերահղել է «այս բարդ օպերատիվ որոշումների ընդունումը» Կիևին և Ուկրաինայի ռազմական ղեկավարությանը:
