Կյանքից հեռացել է «Ղարաբաղ» կոմիտեի անդամ Բաբկեն Արարքցյանը

79 տարեկան հասակում կյանքից հեռացել է «Ղարաբաղ» կոմիտեի անդամ, ԱԺ առաջին նախագահ Բաբկեն Արարքցյանը։

Արարքցյանը եղել է «Ղարաբաղ» կոմիտեի անդամ: 1990-91-ին եղել է ՀՀ ԳԽ նախագահի առաջին տեղակալ։

Նա 1991-95-ին ընտրվել է ՀՀ ԳԽ նախագահ։ 1991-ին եղել է Հանրաքվեի կենտրոնական հանձնաժողովի նախագահ, 1994-95-ին՝ ԳԽ Սահմանադրական հանձնաժողովի համանախագահ:

1995-ի հուլիսի 27-ին ընտրվել է Ազգային Ժողովի նախագահ՝ լինելով ՀՀ առաջին գումարման ԱԺ նախագահը։ Այդ պաշտոնից հրաժարական է ներկայացրել 1998 թվականին ՀՀ առաջին նախագահ Լևոն Տեր–Պետրոսյանի հրաժարականի համատեքստում։