Հայաստան կժամանեն տարբեր երկրների բարձրաստիճան պաշտոնյաներ. ելույթ կունենա Փաշինյանը

Դեկտեմբերի 18-ին Հայաստանում առաջին անգամ կանցկացվի աշխատանքի միջազգային համաժողով՝ «Սոցիալական արդարության խթանումը. աշխատանքի ապագան ներկայիս ժամանակաշրջանում» խորագրով։Հայտնում են Աշխատանքի եւ սոցիալական հարցերի նախարարությունից:

Միջոցառմանը մասնակցելու նպատակով Հայաստան կայցելի Աշխատանքի միջազգային կազմակերպության գլխավոր տնօրեն Գիլբերտ Հունգբոն։

Համաժողովին կմասնակցեն մի շարք երկրների բարձրաստիճան պաշտոնյաներ, քաղաքականություն մշակողներ, փորձագետներ ու սոցիալական գործընկերներ, որոնք հնարավորություն կունենան քննարկել համաշխարհային, տարածաշրջանային և ազգային աշխատաշուկաների մարտահրավերներն ու հնարավորությունները։

 Համաժողովի բանախոսների, պանելային քննարկումների և այլնի մասին տեղեկատվությունը կարող եք գտնել կից ներկայացվող կայքէջում՝ https://speakers.mlsa.am/