Խոշոր վթար՝ Արարատում․ Տիգրանաշենի ոլորաններում Foton մակնիշի բեռնատարը կողաշրջվել է

Երեկ՝ դեկտեմբերի 18-ին, ավտովթար է տեղի ունեցել Արարատի մարզում։ Ժամը 21։20-ի սահմաններում Foton մակնիշի բեռնատարը Երևան-Մեղրի ավտոճանապարհի Տիգրանաշենի ոլորանների սկզբնամասում, դեռևս անհայտ հանգամանքներում, կողաշրջվել է։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան։

Օպերատիվորեն ժամանել են նաև ճանապարհն սպասարկող ճանշինականները, ովքեր ճանապարհը մաքրել են կողաշրջման հետևանքով թափված դիզվառելիքից: