Ղրղզստանում հավանության են արժանացրել դրոշի փոփոխման նախագիծը

Ղրղզստանի խորհրդարանը հավանության է արժանացրել երկրի դրոշի փոփոխման մասին օրինագիծը։

Չորեքշաբթի օրը կայացած նիստում Ղրղզստանի խորհրդարանը հավանություն է տվել երկրի ազգային դրոշը փոխելու օրինագծին,«ՌԻԱ Նովոստի»-ին հայտնել են հանրապետության օրենսդիր ժողովի մամուլի ծառայությունից։

«Նիստում այսօր՝ դեկտեմբերի 20-ին, պատգամավորները երկրորդ և երրորդ ընթերցմամբ քննարկել և ընդունել են «Ղրղզստանի Հանրապետության "«Ղրղզստանի Հանրապետության պետական խորհրդանիշների մասին օրենքում փոփոխություններ կատարելու մասին» օրինագիծը»,-հայտարարել է մամուլի ծառայության ներկայացուցիչը:

Օրինագծի նախաձեռնողներն են խորհրդարանի խոսնակ Նուրլանբեկ Շակիևը և պատգամավոր Ուլան Պրիմովը:

Պետական խորհրդանիշի այս տարրի փոփոխությանը աջակցել է նաև Նախագահ Սադիր Ժապարովը։