ԱՄՆ-ում 6 ամսական աղջիկների համար բարձրակրունկներ են ստեղծել

Բոլոր փոքրիկ աղջիկները սիրում են մայրիկի կոշիկները հագնել։ Ժամանակակից փոքրիկները դրա կարիքն այլևս չեն ունենա։

Peopletalk-ը գրում է, որ 6 ամսական փոքրիկ աղջիկների համար բարձրակրունկ կոշիկներ են ստեղծել։ Այս գաղափարը կյանքի է կոչել Pee Wee Pumps ընկերությունը։

Կոշիկները տարբեր գույների են՝ սև, կարմիր, վարդագույն ու վագրի երանգներով։ Դրանք փոքրիկ կրունկ ունեն, որը փափուկ կտորից  է պատրաստված։

Մայրիկներն այդքան էլ գոհ չեն այս նոր արտադրանքից ու բոլոր հնարավոր սոցիալական ցանցերում արտահայտում են իրենց դժգոհությունը՝ «Հանգիստ թողեք երեխաներին, թողեք վայելեն իրենց մանկությունը», «Սա իրական խենթություն է» գրում են զայրացած մայրիկները։