Պարգեւավճարներն այսուհետ լինելու են սեպտեմբերի 21-ին եւ տարվա վերջում. Ալեն Սիմոնյան
ՔԱՂԱՔԱԿԱՆՈՒԹՅՈՒՆՊարգեւավճարներն այսուհետ լինելու են սեպտեմբերի 21-ին եւ տարվա վերջում այն միջոցների շնորհիվ, որոնք խնայվել են: Այս մասին, այսօր՝ դեկտեմբերի 26-ին, ԱԺ այգում լրագրողների հետ զրույցում նշեց ԱԺ նախագահ Ալեն Սիմոնյանը:
«Բացի պատգամավորներին եւ ԱԺ աշխատակազմին պարգեւավճար տրամադրելուց մենք բավականին գումար նաեւ վերադարձրել ենք կառավարությանը: Պարգեւավճարները լինելու են ամեն տարի, քանի դեռ ես ԱԺ նախագահ եմ: Այլեւս այն համակարգը, որ ամիսը մեկ կամ 2 ամիսը մեկ պարգեւավճարներ էին լինում, հիմա չի լինելու»,-ասաց նա՝ հավելելով, որ ինքը եւս ստացել է պարգեւավճար որպես ԱԺ պատգամավոր:
