Խոշոր հրդեհ՝ Արարատում. Նոր Ուղի բնակավայրում այրվել է մոտ 1000 հակ պահեստավորված անասնակեր
ՀԱՍԱՐԱԿՈՒԹՅՈՒՆ
Այսօր՝ դեկտեմբերի 28-ին, խոշոր հրդեհ է տեղի ունեցել Արարատի մարզում: Ժամը 03:10-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Ուղի բնակավայրի սկզբնամասում գտնվող տան բակում անասնակեր է այրվում:
Դեպքի վայր է ժամանել ՀՀ ՆԳՆ ՓԾ Արարատի մարզային փրկարարական վարչության թիվ 26 հրշեջ-փրկարարական ջոկատից 1 մարտական հաշվարկ:
Նմանատիպ ահազանգ ստացվել է նաև ՀՀ ՆԳՆ ՊԾ Արարատի մարզի գումարտակում, որտեղից ժամանել է ՊԾ խումբը՝ գումարտակի հրամանատար Գրիգոր Բաբաջանյանի, գումարտակի հրամանատարի տեղակալ Աբել Վարդանյանի գլխավորությամբ:
Լրացուցիչ ժամանել է թիվ 23 հրշեջ-փրկարարական ջոկատից ևս 1 մարտական հաշվարկ:
Պարզվել է, որ այրվում է մոտ 1000 հակ պահեստավորված անասնակեր:
Մինչ հրշեջների ժամանումը՝ կրակի տարածման դեմ պայքարել են սեփականատեր Գարիկ Միքայելյանն իր համագյուղացիների հետ:
Թե ինչն է եղել հրդեհի պատճառը՝ պարզվում է:
