Հայաստանը տնտեսական աճի տեմպերով 2024-ին կմնա առաջատար ԵԱՏՄ երկրների շարքում

2024 թվականին Հայաստանը տնտեսական աճի տեմպերով կմնա առաջատարը՝ ԵԱՏՄ երկրների շարքում։ Հայտնել է Եվրասիական զարգացման բանկը։

2024 թվականին Հայաստանի ՀՆԱ-ի աճի տեմպերը կկազմեն 5,7 տոկոս։ Աճի կանխատեսումը բարձրացվել է ուժեղ ներքին պահանջարկի և տրանսֆերտների ներհոսքի բարելավված սպասումների ֆոնին: Ամուլսարի հանքավայրում աշխատանքների մեկնարկը և հարկաբյուջետային քաղաքականության խթանումը նույնպես կաջակցեն տնտեսական ակտիվությանը։

Բանկային վերլուծաբանները կանխատեսել են, որ հաջորդ ֆինանսական տարում գնաճի տեմպերը կարագանան մինչև 3,6%, սակայն գնաճը կմնա թիրախային միջակայքում, այդ թվում՝ ներքին պահանջարկի ընդլայնման պատճառով։